Հաճախ տրվող հարցեր

  • Ինչպե՞ս կարող եմ ամրագրել հյուրանոցային սենյակ:

    Դուք կարող եք ամրագրել սենյակ մեր պաշտոնական կայքի միջոցով, զանգահարել նշված հեռախոսահամարով կամ ուղարկել հաղորդագրություն WhatsApp-ով:

    Նախապես սենյակ ամրագրելու հնարավորություն չունենալու դեպքում ամրագրումը կարող եք ձևակերպել տեղում ՝ ազատ սենյակների առկայության դեպքում:

  • Վճարման ի՞նչ եղանակներ եք ընդունում:

    Մենք ընդունում ենք վճարումը` կանխիկ, բանկային քարտով և բանկային փոխանցման միջոցով: Բոլոր վճարումներն ընդունվում են ՀՀ դրամով։

  • Ինչ է ներառված գնի մեջ:

    Արժեքը ներառում է՝

    • Նախաճաշ
    • Անվճար Wi-fi
    • Ավտոկայանատեղի
    • Մուտք դեպի լողավազան, սաունա և համամ մինչև 19:30
  • Ժամանում և մեկնում

    Ժամանումը սկսվում է 14:00-ից, իսկ մեկնումը՝ մինչև 12:00։ Վաղ ժամանումը և ուշ մեկնումը հնարավոր են նախնական համաձայնությամբ՝ հավելավճարով։

  • Հնարավո՞ր է ավելի շուտ բնակություն հաստատել կամ ավելի ուշ մեկնել:

    Այո՛, ըստ նախնական հարցման, մենք հավելավճարով տրամադրում ենք վաղ ժամանում և ուշ մեկնում, եթե առկա են հասանելի սենյակներ:

  • Հյուրանոցում առկա՞ է Wi-Fi:

    Այո՛, ամբողջ հյուրանոցի տարածքում տրամադրվում է անվճար Wi-Fi։

  • Ի՞նչ հարմարություններ կան սենյակներում:

    Բոլոր սենյակները համալրված են պրեմիում դասի մահճակալներով, զգեստապահարանով օդորակիչ և ջեռուցման համակարգերով, անվճար Wi-Fi-ով, կաբելային հեռուստատեսությամբ (Full HD), մինի բարով։

    Լոգարանում  առկա է՝ վարսահարդարիչ, սրբիչներ, խալաթ, հողաթափեր, շամպուն, ցնցուղի գել, օճառ, մազերի կոնդիցիոներ, ատամի խոզանակ և հիգիենայի հավաքածու:

    Լրացուցիչ ՝ ձայնամեկուսացում, ծխի դետեկտոր։

  • Հնարավո՞ր է բնակությունը ընտանի կենդանիների հետ:

    Ցավոք, կենդանիների հետ տեղավորումը մեր հյուրանոցում հնարավոր չէ։

  • Հյուրանոցում առկա՞ է ավտոկայանատեղի

    Այո՛, մենք ունենք անվճար ավտոկայանատեղի հյուրանոցի հյուրերի համար։

  • Նախաճաշը ներառվա՞ծ է գնի մեջ:

    Այո՛, Նախաճաշը ներառված է արժեքի մեջ: Մեր շեֆ-խոհարարը ստեղծել է չորս հիանալի նախաճաշերի սեթ, իսկ հյուրերի բարձր բեռնվածության դեպքում, գործում է շվեդական սեղան:

  • Արդյո՞ք հյուրանոցի տարածքում առկա է Ռեստորան:

    Այո՛, հյուրանոցի տարածքում գործում է Աման ռեստորանը, որտեղ մատուցվում են հայկական և եվրոպական խոհանոցի ուտեստներ՝ հեղինակային մեկնաբանությամբ: Մեր շեֆ-խոհարարը համատեղում է ավանդական բաղադրատոմսերը ժամանակակից խոհարարական տեխնիկայի հետ՝ ստեղծելով յուրահատուկ գաստրոնոմիական փորձ:

  • Ունե՞ք հատուկ ճաշացանկ երեխաների կամ բուսակերների համար:

    Մենք չունենք առանձին ճաշացանկ, բայց առաջարկում ենք հավասարակշռված ուտեստներ, որոնք կարող են հարմար լինել ինչպես երեխաների, այնպես էլ բուսակերների համար: Հիմնական մենյուից կարող եք ընտրել ուտեստներ՝ հաշվի առնելով ձեր նախապատվությունները:

  • Ունեք ՍՊԱ կենտրոն:

    Այո՛, մենք ունենք փակ լողավազան, սաունա և համամ:

  • Հնարավո՞ր է էքսկուրսիաներ կազմակերպել:

    Այո՛, մենք համագործակցում ենք տեղական գիդերի և տուր կազմակերպիչների հետ: Դուք կարող եք ընտրել էքսկուրսիաներ և արշավներ Տավուշի գեղատեսիլ վայրերում:

  • Հնարավո՞ր է անցկացնել միջոցառումներ և բանկետներ:

    Այո՛, մենք ունենք ամեն ինչ անմոռանալի և տպավորիչ միջոցառումներ իրականացնելու համար: Մենք ուրախ ենք օգնել Ձեզ հարսանիքների, ծննդյան տոների, կորպորատիվ միջոցառումների և կոնֆերանսների անցկացման հարցում ՝ առաջարկելով որակյալ սպասարկում և ձեր միջոցառմանը համապատասխան մթնոլորտ:

  • Ինչու՞ ընտրել մեր հյուրանոցը:

    Մեր հյուրանոցն առաջարկում է հարմարավետության, բարձրակարգ սպասարկման և անկրկնելի մթնոլորտի յուրահատուկ համադրություն: Մենք հպարտանում ենք հարմարավետ սենյակներով, համեղ խոհանոցով, ժամանակակից հարմարություններով և յուրաքանչյուր հյուրին անհատական մոտեցում ցուցաբերելու հնարավորությամբ:

Դեռ ունե՞ք հարցեր: Գրե՛ք մեզ:

Եթե վերևում չեք գտել ձեզ անհրաժեշտ տեղեկատվությունը կամ ցանկանում եք իմանալ ավելին, խնդրում ենք կապվել մեզ հետ. մենք միշտ ուրախ ենք օգնելու ձեզ։

Կապ մեզ հետ